Монгол оньсон тоглоом

Хамгийн олон оньсон тоглоом зохиосон ард түмний нэг
“Хүнийг таних гэвэл нөхрийг нь хар, хүүхдийг таних гэвэл тоглоомыг нь үз” гэсэн мэргэн үг бий. Манай ард түмэн үр хүүхдийнхээ оюун ухааныг саруул уужим болгон хүмүүжүүлэх ардын тоглоомын бүхэл бүтэн соёлыг бий болгожээ. Дэлхийн нэрд гарсан Рубикийн шооноос давуу олон арван оньсон тоглоом Монголд байдгийг бид өөрсдөө ч мэдэхгүй бусдад алдаж байна. Гэтэл Монгол ардыг тоглоом наадмын санд 15 анги бүлгийн 800 гаруй тоглоом байдаг ажээ. Зөвхөн хөлөгт тоглоом гэхэд 130 гаруй нэр төрөл байна. Оюун задлах оньсон тоглоомоор Монгол дэлхийд тэргүүн байранд орно. Үүнээс зөвхөн “Модон зангилаа” хэмээх цуврал оньсон тоглоомыг 24,48,120 мод эвлүүлэн зангиддаг нь Рубикийн шооноос илүү оюун ухаан шаардах юм. Түүнчлэн Шамбалын түлхүүр гэж нэрлэдэг 7-9 төмөр цагирагаар хийсэн 681 үйлдлээр орж гардаг тоглоомыг онцлон нэрлэж байна.